親親男朋友買畀我的愛心曲奇

好新鮮! 好新鮮! 好新鮮呀! 我唔係講d曲奇呀, 我係講我篇blog, 我好少可以咁快出到blog, 之前寫緊去華欣, 寫左個半月都未寫完。


講返正題, 尋日男朋友去左太子, 我靈機一動叫左佢去買我想食好耐既曲奇餅。哩間餅店應該都幾出名, 在openrice都可以search到唔少comment, 佢除左曲奇之外好似仲有得買蛋糕, 蛋糕就留待下一次再試喇。間餅店叫做”貴族蛋糕”。

我男朋友唔食零食, 唔食甜品, 不過佢都好有心機咁同我揀唔同味既曲奇。最後, 我決定買……

1. 朱古力脆餅 (麥提莎曲奇)

男朋友話好似狗餅, 佢既質地好得意, 唔似一般既曲奇, 食落係脆既, 重麥提莎味, 但又唔係好甜。$10 8件, 可以一試!

2. $34 半磅曲奇

可以揀3隻味, 男朋友幫我揀左朱古力夾心(圓形), 芝麻(左面正方), 同埋燕麥(右面正方)。3隻味都唔錯, 唔算甜, 又有香味。食得太多JENNY'S悶得滯, 可以轉食哩間, 有唔同味可以揀~

地址係哩度~~~

多謝我最愛既男朋友!!