最近買既新品牌就是ERNO LASZLO , 之前ERNO LASZLO出新TONER, 有好多BLOGGERS同GARY CHUNG都有推介, 所以就上網SEARCH下哩個牌子。
ERNO LASZLO是匈牙利的醫學品牌, 已經有一段好長既歷史。1927年DR. ERNO LASZLO因為治療好匈牙利公主的暗瘡問題而出名, 咁多年有好多HOLLYWOOD的名人都係佢既FANS。如果大家有興趣知多D可以上佢的HK WEBSITE: http://www.ernolaszlo-hk.com/history.html。
ERNO LASZLO既包裝好簡單, 一個膠樽加一個LABEL, 不過價錢就唔簡單喇。ERNO LASZLO唔係以花巧野吸引人, 佢係賣實力既。
ERNO LASZLO既護膚原理係將我地既皮膚分為唔同既時區, 以[Clocking 肌膚時鐘]配合唔同既護膚品。當我第一次步入ERNO LASZLO, BA立即同我做左一次SKIN TEST, 佢地話買任何ERNO LASZLO之前一定要做SKIN TEST先, 知道顧客係咩時鐘先可以介紹合適的產品。
肌膚時鐘分別係: 8:30 Extremely Dry / 10:30 Dry / 11:30 Slightly Dry / 12:00 Normal/Combination。我係11:30既皮膚, 所以唔可以用太乾既產品。
(http://www.ernolaszlo-hk.com/myRitual.html)
對一個第一次接觸既品牌, 就算所有人都讚佢, 我都只會買一樣產品試左先。在護膚程序中, 最重要既係清潔, 所以我第一樣試既係清潔產品。ERNO LASZLO既潔面梘非常出名, GARY CHUNG 都有推介當中既黑梘, 佢出名係因為佢清潔力強之外, 仲唔會乾! 因為黑梘係畀暗瘡皮膚用既, 會較乾, 所以BA叫我用黃梘Active pHelityl Soap ($380)。用ERNO LASZLO的潔面梘一定要配合埋Active活性平衡潔膚油一齊用,以油制油既原理, 哩個油不會產生粉刺,含有來自印度的抗炎植物萃取物。作為潔面前的重要程序,溶解藏於肌膚的雜質,令肌膚潔淨健康。將一個硬幣大小的潔膚油倒在手掌,塗抹於整個面上, 然後使用適合自己的潔面梘。
潔面梘既用法係先準備一盆水溫適中的熱水,將潔面梘沾濕後於面上輕擦,有暗粒同暗瘡既地方可以重覆擦, 然後於掌心起泡再按摩面部, 最後以「SPLASHING 濺水潔面法」潔面。
「SPLASHING 濺水潔面法」係用一開始準備既暖水往面上潑水20次，然後再用清水，往面上潑10次, 然後過淨即可。原理係皮膚好似瀑布下既石頭, 每日用水拍打可以令佢更滑。
最初我好怕潔面梘會好乾, 但係哩隻潔面梘真係唔會。而且佢去暗粒都好勁, 因為我去左泰國一個星期, 暗瘡暗粒都爆得好勁, 返黎之後一直用佢黎洗面, 一個星期後, 大部份暗粒暗瘡都退得7788。
